മൗനം

മൗനം;
മയില്‍പ്പീലിപോലെ പെറ്റ് പെരുകാനായിരുന്നില്ല
പ്രണയപുസ്തകത്തിലൊളിപ്പിച്ചത്..
എന്നിട്ടും..

മൗനം;
വഴിയോരത്തെ നിഴല്‍ക്കാടുകളില്‍ തൂവലുകളായ്
പാറിവീണതിനു പിന്നാലെയാണു നീ..
എന്നിട്ടും..

മൗനം;
കലാലയത്തിലിന്ന് അവസാനദിനം..
ഒരു വരിയിലെഴുതിത്തീര്‍ക്കാന്‍ കടലാസു നീട്ടി
എന്നിട്ടും..

മൗനം;
ഇടനാഴിയിലെ ഇരുട്ടളക്കുന്ന പ്രാവിന്റെ
നേര്‍ത്ത കുറുകലില്‍ ഉടഞ്ഞുപോയി..
എന്നിട്ടും..
‪



#‎എന്നിട്ടും‬ .. എന്നിട്ടും..ഒരു കുന്തോമില്ല..ഉടഞ്ഞു വീണ മൗനത്തിന്റെ കഷണങ്ങള്‍ വാരിപ്പെറുക്കി ആക്രിക്കാര്‍ക്ക് തൂക്കി വിറ്റു..ഹും..

ത്യാഗഭരിതമായ ചിരി..

മണ്ണ് പകുത്ത് മഹാബലിയും
പെണ്ണ് പകുത്ത് പാര്‍ത്ഥനും
ആയുസ്സ് പകുത്ത് പുരുവും
മാംസം പകുത്ത് ശിബിയും
രാജ്യം കൊടുത്ത് രാമനും
ചുണ്ടുകളൊട്ടിപ്പോയവര്‍ക്ക്
മുന്നില്‍ നിന്ന് ചിരിക്കുന്നു..
ത്യാഗഭരിതമായ ചിരി..